O‘zbekistonlik hujumchi Sherzod Temirov Eron chempionatiga yo‘l oldi.
23 yoshli futbolchi Eronning “Persepolis” klubi bilan 1,5 yillik shartnoma imzoladi. Uning so‘nggi klubi “Paxtakor” bo‘ldi. “Sherlar” matbuot xizmatiga ko‘ra, u jamoani erkin agent sifatida tark etgan.
Ma’lumot uchun, “Mash’al” safida katta futbolga kirib kelgan Temirov Superliga doirasida 49 ta o‘yinda maydonga tushib, 10 ta gol va 4 ta golli uzatmaga mualliflik qilgan.
Avvalroq Azizbek Amonov Eronning “Istiqlol” klubiga o‘tgandi.
“Persepolis” 45 ochko bilan Eron chempionati 20-turidan keyin peshqadam “Istiqlol”dan (48) keyin 2-o‘rinda bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)