Шавкат Мирзиёев Беруний тумани фаолллари билан учрашувда маҳалла раислари ҳам президент каби куйиб-пишиши кераклигини таъкидлаб ўтди. Бу ҳақда «Дарё» мухбири хабар бермоқда.
«Маҳалла раислари ҳам энди мен каби куйиб-пишиши керак. Президент халқни ўйлаб, қанчалик куйиб-пишса улар ҳам шундай бўлишлари лозим. Қайси ҳудудга қанча маблағ берилиши кераклигини тушунтиринглар. Мен бу ерга келишимдан аввал Қорақалпоғистон Жўқорғи Кенгесининг раиси Мурат Камолов қилиниши зарур бўлган ишлар учун пул керак эканини айтди. Мен пул бераман», — деди давлат раҳбари.
Шавкат Мирзиёев Беруний туманига қўшимча тарзда 50 миллиард сўм ажратилишини маълум қилди.
Давлат раҳбари Беруний туманининг сектор раҳбарлари, маҳалла раислари, ёшлар етакчилари уйғониши кераклигини айтди.
«Беруний туманида ҳам ишсизлар, уюшмаган ёшлар бор. Уларнинг масаласини ҳам ўйлаш керак», — деди президент.
Изоҳ (0)