Futbol bo‘yicha Angliya chempionatining bir qator qoldirilgan o‘yinlari 23-fevral, chorshanba kuni bo‘lib o‘tdi.
“Liverpul” 19-turning qoldirilgan o‘yinida o‘z maydonida “Lids”ni qabul qilib, 6:0 hisobidagi g‘alabani tantana qildi. Mersisayd klubi safida Muhammad Saloh ikki marta penaltidan gol urib, dublni rasmiylashtirgan bo‘lsa, Joel Matip va Virjil van Deyk o‘z nomiga bittadan gol yozdirib qo‘ydi. Sadio Mane ham uchrashuvda 2 ta gol urib, dubl muallifiga aylandi.
Bundan avvalgi o‘yinda “Manchester Siti”ni mag‘lub etgan “Tottenhem” 13-tur doirasidagi bahsda safarda autsayder “Byornli” mehmoni bo‘ldi va kutilmaganda yutqazib qo‘ydi. Uchrashuv taqdirini hal qilib bergan yagona gol 71-daqiqada Ben Mi tomonidan kiritildi.
Ushbu g‘alabadan keyin “Liverpul”ning ochkolari soni 60 taga yetdi va musobaqa peshqadami “Manchester Siti” bilan oradagi farqni 3 ochkoga yetkazdi. “Tottenhem” esa 39 ochko bilan 8-pog‘onani egallab turibdi.
APL
Qoldirilgan o‘yinlar
23-fevral, chorshanba
19-tur
“Liverpul” — “Lids” 6:0
Gollar: 1:0 – 15, penalti Saloh, 2:0 – 30 Matip, 3:0 – 35, penalti Saloh, 4:0 – 80 Mane, 5:0 – 90+1 Mane, 6:0 – 90+3 van Deyk.“Liverpul”: Alisson, Aleksander-Arnold, Matip, van Deyk, Robertson, Tiago Alkantara (Henderson, 68), Fabinyo, Jons (Milner, 77), Saloh, Mane, Dias (Origi, 85).
“Lids”: Melye, Dallas, Eyling, Streyk, Firpo, Harrison, Forshou, Klix (Sheklton, 46), Rafinya, Rodrigo (Roberts, 46), Jeyms (Gelxardt, 61).
Ogohlantirishlar: Firpo (18), Eyling (33).
13-tur
“Byornli” – “Tottenhem” 1:0
Gol: 1:0 – 71 Mi.“Byornli”: Poup, Roberts, Mi, Tarkovski, Piters, Lennon, Kork, Braunxill, Rodriges, Vegorst (Barns, 89), Maknil.
“Tottenhem”: Lyoris, Emerson (Lukas Moura, 65), Dayer, Devis, Romero, Sessenyon (Bergveyn, 79), Son Hyon Min, Heybyerg, Bentankur (Uinks, 46), Kulusevski, Keyn.
18-tur
Izoh (0)