Gruziya sobiq prezidenti Mixail Saakashvili unga qamoqxonada to‘liq tibbiy yordam olish imkoniyati berilmaganiga norozilik bildirib, yana ochlik e’lon qildi. Bu haqda “Perviy kanal Gruziya” xabar bergan.
“Bugundan boshlab muddatsiz va to‘liq ochlik e’lon qilaman. Ushbu ochlik — mamlakat hukumatining menga va mening xalqimga bo‘lgan yomon munosabatiga javob reaksiyasi. Bu yerda mening sog‘lig‘im ikkinchi darajali masala”, — degan Saakashvili sud majlisida. U qamoqxonada o‘ziga zarur tibbiy xizmatlar ko‘rsatilishini talab qilgan.
Saakashvili 2007-yildagi muxolifat mitingida olomonning tarqatilishi yuzasidan o‘tkazilayotgan aylanuvchi sifatida ishtirok etayotgan sudda shunday bayonot qilgan.
Mixail Saakashvilining avvalgi ochligi 51 kun davom etgan, 2021-yil 1-oktabrda boshlangan, 20-noyabrgacha cho‘zilgandi. Siyosatchi sakkiz yildan keyin Gruziyaga qaytganidan keyin hibsga olingan, so‘ngra qamoqxonada ochlik e’lon qilgandi. O‘shanda uni chegarani noqonuniy tarzda kesib o‘tganlikda ayblashgan
Chegarani noqonuniy kesib o‘tish ishidan tashqari Saakashvili yana bir qator jinoyat ishlari bo‘yicha tergov qilinmoqda. Shuningdek, Saakashvili ushbu sud ishlaridan avval Gruziyadan tashqarida bo‘lgan vaqtida yana ikkita jinoyat ishida sirtdan aybli deb topilib, qamoqqa hukm qilingandi.
Avval 2022-yil yanvar oyida Saakashvili agar xorijlik shifokorlar uning oldiga qo‘yilmasa, yana ochlik e’lon qilmoqchiligini aytgandi.
Izoh (0)