Namangan tumanida ayolini qo‘rqitib qo‘yish uchun ichki ishlar organiga yolg‘on axborot bergan fuqaro ushlandi. Bu haqda Tergov departamenti xabar qildi.
Qayd etilishicha, tumanning Qo‘rg‘oncha-2 ko‘chasida yashovchi T.X. (34 yoshli) ichki ishlar organlariga murojaat qilgan. Unda 13-fevral kuniga o‘tar kechasi noma’lum shaxs uning yashash xonadoniga devor oshish yo‘li bilan g‘ayriqonuniy ravishda kirib, yotoqxonasidagi divan ostida saqlayotgan 6 million so‘m pulni yashirin ravishda o‘g‘irlab ketganini ma’lum qilgan. Erkak noma’lum shaxsga nisbatan qonuniy chora ko‘rishni so‘ragan.
Holat yuzasidan Jinoyat kodeksining 169-moddasi 2-qismi “g” bandi (o‘g‘rilik) bilan jinoyat ishi qo‘zg‘atilgan.
Olib borilgan dastlabki tergov davomida ushbu jinoyatni hech kim sodir etmagani aniqlangan. Aksincha uni xonadon egasi T.X. reja asosida qasddan o‘zi uyushtirgan. Erkak bunga sabab qilib turmush o‘rtog‘i uning ruxsatisiz pullarini olib qo‘yayotgani uchun uni qo‘rqitib qo‘ymoqchi bo‘lib, IIBga yolg‘on xabar berganini ko‘rsatgan.
Mazkur jinoyat ishi Jinoyat kodeksining 169-moddasi 2-qismi “g” bandidan 237-moddasi 1-qismi (yolg‘on xabar berish)ga qayta malakalanib, shu kunning o‘zidayoq T.X. gumonlanuvchi tariqasida jinoyat ishiga jalb qilingan.
Mavzuga doir:
- Qibrayda turmush o‘rtog‘ini yolg‘on bilan o‘ziga jalb qilmoqchi bo‘lgan ayolga jinoyat ishi qo‘zg‘atildi
- Toshkentda turmush o‘rtog‘ini yolg‘on bilan uyiga qaytarmoqchi bo‘lgan ayolga jinoyat ishi qo‘zg‘atildi
- Qashqadaryoda talonchilar 32,5 mln so‘m va 700 dollarni tortib olganini aytgan fuqaro yolg‘on ko‘rsatma bergani aniqlandi
Izoh (0)