Qonun bilan Ma’muriy javobgarlik to‘g‘risidagi kodeksga o‘zgartish va qo‘shimchalar kiritildi. Bu haqda Telegram’dagi “Huquqiy axborot” kanali xabar qildi.
Kiritilgan qo‘shimchalarga ko‘ra, chet el fuqarolari va fuqaroligi bo‘lmagan shaxslar davlat chegarasi rejimini buzib o‘tganda qo‘llanilgan jarimani to‘lamasa, O‘zbekiston hududidan ma’muriy tarzda chiqarib yuboriladi. Ilgari jarima to‘lashidan qat’i nazar O‘zbekistondan chiqarib yuborilgan.
Chet el fuqarolari va fuqaroligi bo‘lmagan shaxslar O‘zbekiston hududidan ma’muriy tarzda chiqarib yuborilganda keyinchalik O‘zbekistonga kirish huquqi cheklanish muddatini qo‘llashga aniqlik kiritilgan. Shunga ko‘ra, davlat chegarasi rejimini birinchi marta buzib o‘tganda 1 yil muddat, ikkinchi marta sodir etilganda 3 yil muddat O‘zbekistonga kirish huquqi cheklanadi.
Qonun bilan, shuningdek, quyidagi huquqbuzarliklarga oid ishlarni Davlat xavfsizlik xizmati Chegara qo‘shinlari ko‘rib chiqishi belgilandi:
- chegara zonasiga, shuningdek fuqarolarning kirishi va bo‘lishiga vaqtincha cheklov belgilangan joylarga kirish hamda ularda yashash qoidalarini buzish (224-modda);davlat chegarasi orqali o‘tkazish punktlaridagi rejimni buzish (224-1-modda 1-qismi).
Mavzuga doir:
- O‘zbekistonda moddiy madaniy meros obyektlariga zarar yetkazganlik uchun javobgarlik kuchaytirildi
- O‘zbekistonda biznes-ombudsman tadbirkorlar huquqini buzganlik uchun jarima qo‘llashi mumkin bo'ladi
- O‘zbekistonda transport vositasini mast holda boshqarganlik uchun jazo choralari kuchaytirilishi kutilmoqda
Izoh (0)