Ijtimoiy tarmoqlarda Toshkent shahridagi “Koinot” (Kosmonavtlar) majmuasida Vladimir Janibekov haykali atrofidagi granit plitalar ko‘chirib tashlangani haqida xabar tarqalgandi. Shundan so‘ng Madaniy meros agentligi hududning demontaj ishlari ruxsatsiz boshlanganini aniqlagan. Agentlik tomonidan maydonni rekonstruksiya qilayotgan Mimar Group kompaniyasi ogohlantirilgani va jarayon to‘xtatilgani ma’lum qilingan. Agentlik ma’lumotlariga ko‘ra, 15-fevral kuni Kosmonavtlar maydonini obodonlashtirish loyihasi ilmiy-ekspert kengashida ma’qullangan.
Ma’lum qilinishicha, Madaniy meros agentligida Ilmiy-ekspert kengashining navbatdagi majlisida Kosmonavtlar maydonini obodonlashtirish loyihasi muhokama qilinib, xulosa taqdim etilgan. Unga ko‘ra, kengash loyihaga obyektning tarixiy va badiiy qiymatiga ta’sir ko‘rsatmagan holda ta’mirlashga ruxsat bergan.
Shuningdek, Mimar Group tomonidan taqdim qilingan loyihada aholiga qulaylik yaratish maqsadida piyoda va velosport yo‘laklari, o‘yin maydonchalari ham barpo etilishi ko‘rsatib o‘tilgan.
“Bunda ko‘kalamzorlashtirish va daraxtlarni asrab-avaylash, yashil hududni kengaytirish ham, albatta, ko‘zda tutiladi”, — deyiladi xabarda.
Izoh (0)