Namangan viloyati prokuraturasida kengaytirilgan yig‘ilish bo‘lib o‘tdi, deya xabar berdi “Daryo” muxbiri Azizbek Abduvaliyev.
Mazkur xabarni tasdiqlagan Bosh prokuratura axborot xizmati rahbari Hayot Shamsutdinovga ko‘ra, Bosh prokuror Nig‘matilla Yo‘ldoshev ishtirok etgan yig‘ilishda tashkiliy masala ko‘rib chiqilgan bo‘lib, adliya katta maslahatchisi Bektosh Sayipov Namangan viloyati prokurori etib tayinlangan.
Qayd etilishicha, Bektosh Sayipov 2021-yilning mart oyidan tayinlovga qadar Buxoro viloyati prokurorining birinchi o‘rinbosari sifatida ishlab kelgan.Eslatib o‘tamiz, oldinroq Namangan viloyati prokurori Jahongir Hotamov Samarqand viloyatiga prokuror etib tayinlangani xabar berilgandi.
Izoh (0)