Pekin—2022 qishki Olimpiadasining 12-kunida tog‘ chang‘isi bo‘yicha slalom musobaqasi bo‘lib o‘tdi.
Unda Olimpiadada O‘zbekiston nomidan qatnashayotgan yagona sportchi Komiljon To‘xtayev ishtirok etdi. Biroq To‘xtayevning slalom dasturidagi chiqishi texnik xato sababli hakamlar tomonidan hisobga olinmadi.
O‘zbekistonlik sportchi marra chizig‘iga yaqin joylashgan darvozadan o‘tishda xatoga yo‘l qo‘ydi va buning natijasida diskvalifikatsiya qilindi. Shu tariqa To‘xtayevning Pekin—2022 dagi ishtiroki erta yakunlandi.
To‘xtayev avvalroq gigant slalom bahslarini 29-pog‘onada yakunlagandi.
Izoh (0)