O‘zbekiston yo‘llarida sodir bo‘lgan baxtsiz hodisalar tafsilotini taqdim etamiz.
Chirchiqda Lacetti va Epica to‘qnashdi. Lacetti’da yong‘in chiqdi
2022-yil 12-fevral kuni soat 23:00 larda Toshkent viloyati Chirchiq shahri Alisher Navoiy va Furqat ko‘chalari kesishgan chorrahada haydovchi J.G‘. (2001-yilda tug‘ilgan) boshqaruvidagi Lacetti rusumli hamda haydovchi D.N. (1977-yilda tug‘ilgan) boshqaruvidagi Epica avtomobillari ishtirokida to‘qnashuv sodir bo‘lgan.
To‘qnashuv oqibatida Lacetti haydovchisi rul boshqaruvini yo‘qotgan va yo‘l chetidagi beton to‘siqqa urilgan. Shundan so‘ng avtomobilda yong‘in yuzaga kelgan. Yong‘in o‘t o‘chiruvchilar tomonidan bartaraf etilgan.
Hodisa oqibatida ikkala haydovchi va Lacetti’da bo‘lgan yo‘lovchi tan jarohati bilan shifoxonaga olib ketilgan.
Mazkur YTH yuzasidan Chirchiq shahar IIB huzuridagi TB tomonidan tergovoldi surishtiruv harakatlari olib borilmoqda.
Toshkentda 3 ta avtomobil to‘qnashdi
2022-yil 15-fevral kuni soat 14:30 larda Toshkent shahri Yangihayot tumani Qo‘rg‘ontepa va Shokirariq ko‘chalari kesishgan chorrahada haydovchilar K.Y. (1988-yilda tug‘ilgan) boshqaruvidagi Matiz, M.E. (1974-yilda tug‘ilgan) boshqaruvidagi “GAZ-24”, A.J. (1960-yilda tug‘ilgan) boshqaruvidagi Spark ishtirokida to‘qnashuv sodir bo‘lgan.
YTH oqibatida tan jarohati olgan fuqarolar yo‘q. Holat YPX xodimi tomonidan rasmiylashtirilib surishtiruv harakatlari olib borilmoqda.
Namanganda Nexia-2 kanalga tushib ketdi
Dastlabki ma’lumotlarga ko‘ra, 2022-yil 15-fevral kuni soat 13:50 larda Namangan viloyati Namangan shahri “G‘uncha” MFY hududida Nexia-2 transport vositasida harakatlanayotgan haydovchi boshqaruvni yo‘qotishi oqibatida avtomobil ushbu mahalla hududidan oqib o‘tuvchi Shimoliy Farg‘ona kanaliga tushib ketgan.
Hodisa joyiga zudlik bilan hududiy FVB xodimlari yetib kelib, transport vositasi maxsus texnika yordamida kanaldan olib chiqilgan.
Hodisa natijasida tan jarohati olgan fuqarolar yo‘q.Ushbu holat yuzasidan hududiy FVB va YHXB xodimlari tomonidan surishtiruv olib borilmoqda.
Izoh (0)