Namangan shahrida 15-fevral kuni yoqilg‘i quyish shohobchalardan birida yong‘in sodir bo‘ldi. Bu haqda Namangan viloyati Favqulodda vaziyatlar boshqarmasi xabar qildi.
Qayd etilishicha, shu kuni soat 12:30 atrofida shaharning “Lola” mahallasida joylashgan avtomobillarga yoqilg‘i quyish shoxobchasi orqa hududida yollanma ishchilar anchadan buyon foydalanishda bo‘lmagan ichi bo‘sh 25 tonna hajmdagi idishni tozalamoqchi bo‘lgan. Ichini dizel yoqilg‘isi bilan tozalab, ta’mirlash maqsadida payvandlash ishlari olib borilayotgan vaqtda dizel yoqilg‘isining bug‘i va havo aralashmasining chaqnashi sodir bo‘lgan.
Oqibatda bir nafar yollanma ishchi tan jarohati olib, shifoxonaga olib borilgan. Unga birinchi tibbiy yordam ko‘rsatilgan va uyiga ruxsat berilgan. Hozirda uning ahvoli yaxshi.
Izoh (0)