Ўзбекистон йўлларида содир бўлган бахтсиз ҳодисалар тафсилотини тақдим этамиз.
Чирчиқда Lacetti ва Epica тўқнашди. Lacetti’да ёнғин чиқди
2022 йил 12 февраль куни соат 23:00 ларда Тошкент вилояти Чирчиқ шаҳри Алишер Навоий ва Фурқат кўчалари кесишган чорраҳада ҳайдовчи Ж.Ғ. (2001 йилда туғилган) бошқарувидаги Lacetti русумли ҳамда ҳайдовчи Д.Н. (1977 йилда туғилган) бошқарувидаги Epica автомобиллари иштирокида тўқнашув содир бўлган.
Тўқнашув оқибатида Lacetti ҳайдовчиси рул бошқарувини йўқотган ва йўл четидаги бетон тўсиққа урилган. Шундан сўнг автомобилда ёнғин юзага келган. Ёнғин ўт ўчирувчилар томонидан бартараф этилган.
Ҳодиса оқибатида иккала ҳайдовчи ва Lacetti’да бўлган йўловчи тан жароҳати билан шифохонага олиб кетилган.
Мазкур ЙТҲ юзасидан Чирчиқ шаҳар ИИБ ҳузуридаги ТБ томонидан терговолди суриштирув ҳаракатлари олиб борилмоқда.
Тошкентда 3 та автомобиль тўқнашди
2022 йил 15 февраль куни соат 14:30 ларда Тошкент шаҳри Янгиҳаёт тумани Қўрғонтепа ва Шокирариқ кўчалари кесишган чорраҳада ҳайдовчилар К.Й. (1988 йилда туғилган) бошқарувидаги Matiz, М.Э. (1974 йилда туғилган) бошқарувидаги «ГАЗ-24», А.Ж. (1960 йилда туғилган) бошқарувидаги Spark иштирокида тўқнашув содир бўлган.
ЙТҲ оқибатида тан жароҳати олган фуқаролар йўқ. Ҳолат ЙПХ ходими томонидан расмийлаштирилиб суриштирув ҳаракатлари олиб борилмоқда.
Наманганда Nexia-2 каналга тушиб кетди
Дастлабки маълумотларга кўра, 2022 йил 15 февраль куни соат 13:50 ларда Наманган вилояти Наманган шаҳри «Ғунча» МФЙ ҳудудида Nexia-2 транспорт воситасида ҳаракатланаётган ҳайдовчи бошқарувни йўқотиши оқибатида автомобиль ушбу маҳалла ҳудудидан оқиб ўтувчи Шимолий Фарғона каналига тушиб кетган.
Ҳодиса жойига зудлик билан ҳудудий ФВБ ходимлари етиб келиб, транспорт воситаси махсус техника ёрдамида каналдан олиб чиқилган.
Ҳодиса натижасида тан жароҳати олган фуқаролар йўқ.Ушбу ҳолат юзасидан ҳудудий ФВБ ва ЙҲХБ ходимлари томонидан суриштирув олиб борилмоқда.
Изоҳ (0)