Shavkat Mirziyoyev 10-fevral kuni Samarqand viloyatiga tashrifi davomida Silk road Samarkand turizm markazi qurilishini borib ko‘rdi. Bu haqda Prezident matbuot xizmati xabar qildi.
Qayd etilishicha, majmua Samarqand tumanidagi eshkak eshish kanali bo‘yida barpo etilmoqda. Loyihaning qiymati 381 million dollarni tashkil etadi. Bugungi kunda 8 ta mehmonxona, kongress holl, “Abadiy shahar” karvonsaroyi qurilmoqda. Mehmonxonalarning ikkitasi 22 qavatli, besh yulduzli, qolganlari to‘rt yulduzli bo‘ladi.
Bu yerda zamonaviy xizmatlarni yo‘lga qo‘yish bo‘yicha ko‘rsatmalar berilgan.
“Bizda turistlar kelib tomosha qiladigan bino va obidalar ko‘p. Lekin xizmatlar turi kam, sifati past. Bu markazda ko‘p tarmoqli xizmat ko‘rsatish yo‘lga qo‘yilishi kerak. Turizm sohasida o‘qiyotgan talabalar shu yerga kelib, amaliyot o‘tashi zarur”, — degan Shavkat Mirziyoyev.
Prezident “Abadiy shahar” karvonsaroyini ham kirib ko‘rgan.
“Bu yerda tariximiz, madaniyatimiz namoyon bo‘ladi, odamlar bolalari bilan kelib ko‘radi. Shuning uchun binolardagi bezaklar, ranglar me’yorida, milliyligimizga xos bo‘lishi kerak. Karvonsaroy hovlisida hunarmandlar rastasi tashkil qilish ham mumkin”, — deydi prezident.
Mavzuga doir:
- “Insonlarni rozi qilish haqida gapirib turganimda ayrim rahbarlarning o‘zini o‘ylab, nopok ishlar qilishiga yo‘l qo‘ymayman” — prezident
- Shavkat Mirziyoyev Samarqandda 10 nafar rahbarni ishdan oldi
- Shavkat Mirziyoyev Samarqand shahrining Bo‘stonsaroy va Rudakiy ko‘chalari kesishmasida qurilgan tunnelni borib ko‘rdi
Izoh (0)