Shavkat Mirziyoyev Markaziy bankning Samarqand viloyati bosh boshqarmasi rahbarini ishdan olish bo‘yicha topshiriq berdi

Shavkat Mirziyoyev 10-fevral kuni Samarqand viloyatining faollari bilan uchrashuv o‘tkazdi. Bu haqda “Daryo” muxbiri xabar bermoqda.

Qayd etilishicha, yig‘ilish tanqidiy ruhda o‘tgan. Banklarda korrupsiya evaziga kredit berish holatlari ko‘pligi hamda qaytarilmayotgan kreditlar hajmi yuqoriligi ta’kidlangan. “Milliy bank”, “Xalq banki” va “Asaka bank”dagi holatlar bo‘yicha jinoiy ish ochilishi aytilgan.

Shuningdek, Shavkat Mirziyoyev Markaziy bankning Samarqand viloyati bosh boshqarmasi boshlig‘i Otabek To‘xtayevni ishdan olish bo‘yicha topshiriq bergan. To‘xtayev bu lavozimda 2020-yilning aprelidan buyon ishlab kelayotgandi.

“Talab endi boshqacha bo‘ladi. Har kuni dunyo hamjamiyati bo‘yicha ochiqlik bo‘lmoqda. Shunday vaqtda ham Samarqandda ayrim noinsof rahbarlar ishga mas’uliyatsizlik bilan yondashmoqda”, — deydi prezident.