Energetika vazirligida ikki nafar xodimdan iborat boshqarma, to‘rt nafar xodimdan iborat bo‘lim bor. Bu haqda adliya vaziri Ruslanbek Davletov 7-fevral kuni bo‘lib o‘tgan an’anaviy yillik hisoboti davomida aytib o‘tdi, deya xabar bermoqda “Daryo” muxbiri.
Vazirning aytishicha, “davlat boshqaruvi ishi juda katta masala”.
“U ko‘zga ko‘rinmaydi, lekin biz bilamiz. Bizda hokimliklar davlat siyosatini yuritmaydi. Davlat siyosatini vazirliklar yuritadi. Bu Konstitutsiyada, har bir vazirlikning nizomida yozilgan. Biz (Adliya vazirligi) davlat huquqiy siyosatini, Ta’lim vazirligi ta’lim siyosatini yuritadi”, — deydi u.
Ruslanbek Davletov boshliqlar va ijrochilarning bir-biriga nisbati borligi haqida ham gapirdi.
“Bu ham ilmiy asoslangan, Garvardning standartlari bor — birga yetti bo‘lishi kerak, ya’ni bir rahbarga yetti xodim bo‘lishi kerak. Undan boshqasini boshqara olmaydi. Chunki xotirasi, imkoniyati yetmaydi. Optimal belgilangan narsa bu. “Bizda bittaga uchta ham to‘g‘ri kelmayapti. Ya’ni qariyb bitta ijrochiga ikkita rahbar to‘g‘ri kelyapti. Ijrochilar kam, rahbarlar ko‘p. Energetika vazirligida ikki nafar xodimdan iborat boshqarma, to‘rt nafar xodimdan iborat bo‘lim bor. Umuman mezonlar yo‘q”, — deya qo‘shimcha qiladi Ruslanbek Davletov.
Mavzuga doir:
- “TikTok’ni bloklash hech qanday samara bermaydi, deb o‘ylayman” — Ruslan Davletov
- “Diniy tashkilotlarning ixtilof qilishga haqqi yo‘q” — adliya vaziri ayrim domlalarning ma’ruzalari haqida
- Ruslanbek Davletov: “Mehmondo‘stlik budjet hisobiga bo‘lmasligi kerak”
- “Qarorda monopoliya yo‘q, talablar bor”. Ruslanbek Davletov nega Toshkentda haydovchilik guvohnomasi olish YIMga o‘tkazilganiga izoh berdi
Izoh (0)