Uzbekistan Airways 2022-yil 6-fevraldan boshlab Toshkent, Nukus, Urganch va Termiz shaharlaridan Moskvaga qo‘shimcha qatnovlarni yo‘lga qo‘yadi. Bu haqda kompaniya matbuot xizmati xabar berdi.
Ma’lum qilinishicha, Toshkent—Moskva—Toshkent yo‘nalishidagi aviaqatnovlar haftasiga uch marotaba — yakshanba, dushanba va payshanba kunlari amalga oshiriladi.
Nukus—Moskva—Nukus yo‘nalishidagi qatnovlar haftaning yakshanba, Urganch—Moskva—Urganch payshanba, Termiz—Moskva —Termiz yo‘nalishida parvozlar dushanba kunlari amalga oshiriladi.
Aviachiptalarni aviakompaniyaning rasmiy saytidan, Uzbekistan Airways Sales filialidan yoki aviakompaniya agentlaridan xarid qilish mumkin.
Bundan avval Uzbekistan Airways Express Namangandan Rossiyaning 8 ta shahriga parvozlarni yo‘lga qo‘yishi, Rossiyaning SmartAvia kompaniyasi Farg‘onaga muntazam qatnovlarni yo‘lga qo‘ygani, Moskvadan Toshkentga uchayotgan samolyot o‘layotgan yo‘lovchi sabab Qozonga qo‘nishga majbur bo‘lgani, Moskvadan uchgan samolyot tuman sababli Urganch aeroportiga qo‘na olmagani to‘g‘risida xabar berilgandi.
Izoh (0)