Uzbekistan Airways 2022 йил 6 февралдан бошлаб Тошкент, Нукус, Урганч ва Термиз шаҳарларидан Москвага қўшимча қатновларни йўлга қўяди. Бу ҳақда компания матбуот хизмати хабар берди.
Маълум қилинишича, Тошкент—Москва—Тошкент йўналишидаги авиақатновлар ҳафтасига уч маротаба — якшанба, душанба ва пайшанба кунлари амалга оширилади.
Нукус—Москва—Нукус йўналишидаги қатновлар ҳафтанинг якшанба, Урганч—Москва—Урганч пайшанба, Термиз—Москва —Термиз йўналишида парвозлар душанба кунлари амалга оширилади.
Авиачипталарни авиакомпаниянинг расмий сайтидан, Uzbekistan Airways Sales филиалидан ёки авиакомпания агентларидан харид қилиш мумкин.
Бундан аввал Uzbekistan Airways Express Намангандан Россиянинг 8 та шаҳрига парвозларни йўлга қўйиши, Россиянинг SmartAvia компанияси Фарғонага мунтазам қатновларни йўлга қўйгани, Москвадан Тошкентга учаётган самолёт ўлаётган йўловчи сабаб Қозонга қўнишга мажбур бўлгани, Москвадан учган самолёт туман сабабли Урганч аэропортига қўна олмагани тўғрисида хабар берилганди.
Изоҳ (0)