Hindiston raqamli valyuta va kripto aktivlarni soliqqa tortishni rejalashtirayotganini e’lon qildi. Mamlakat virtual moliyaviy vositalarga global o‘tishni davom ettirmoqda. Bu haqda Bloomberg xabar bermoqda.
Moliya vaziri, aprel oyidan boshlab markaziy bankning raqamli valyutasi joriy etilishini e’lon qildi, bu esa valyutani arzonroq va samaraliroq boshqarish imkonini beradi. Hindiston zaxira banki naqd pulga qaramlikni kamaytirishi mumkin bo‘lgan bosqichma-bosqich amalga oshirish strategiyasi ustida ishlamoqda.
Bu harakatga Hindistonning virtual tangalarni tez o‘zlashtirishi sabab bo‘ldi. Bu esa markaziy bankning jinoiy daromadlarni legallashtirish, terrorizmni moliyalashtirish va narxlarning o‘zgaruvchanligi xavfi haqida bir necha ogohlantirishlaridan so‘ng mamlakatni bunday investitsiyalarni tartibga solishga bir qadam yaqinlashtirdi.
“Virtual raqamli aktivlar tranzaksiyasida ajoyib o‘sish kuzatildi. Ushbu operatsiyalarning ko‘lami va chastotasi aniq soliq rejimini ta’minlashni talab qiladi. Har qanday virtual raqamli aktivlarni o‘tkazishdan olingan daromad 30 foiz miqdorida soliqqa tortiladi”.
Nirmala Sitharaman, Hindiston moliya vaziri Hindiston bu harakatni Xitoy bir nechta shaharlarda CBDC sinovlarini boshlaganidan so‘ng amalga oshirmoqda. AQSh Federal zaxirasi va Angliya banki o‘z iqtisodiyoti uchun raqamli valyuta imkoniyatlarini ko‘rib chiqmoqda.
Chainalysis sanoat tadqiqot kompaniyasining oktabr oyidagi hisobotiga ko‘ra, Hindistondagi kripto bozori 2021-yil iyunigacha 641 foizga o‘sdi.
Izoh (0)