Ҳиндистон рақамли валюта ва крипто активларни солиққа тортишни режалаштираётганини эълон қилди. Мамлакат виртуал молиявий воситаларга глобал ўтишни давом эттирмоқда. Бу ҳақда Bloomberg хабар бермоқда.
Молия вазири, апрель ойидан бошлаб марказий банкнинг рақамли валютаси жорий этилишини эълон қилди, бу эса валютани арзонроқ ва самаралироқ бошқариш имконини беради. Ҳиндистон захира банки нақд пулга қарамликни камайтириши мумкин бўлган босқичма-босқич амалга ошириш стратегияси устида ишламоқда.
Бу ҳаракатга Ҳиндистоннинг виртуал тангаларни тез ўзлаштириши сабаб бўлди. Бу эса марказий банкнинг жиноий даромадларни легаллаштириш, терроризмни молиялаштириш ва нархларнинг ўзгарувчанлиги хавфи ҳақида бир неча огоҳлантиришларидан сўнг мамлакатни бундай инвестицияларни тартибга солишга бир қадам яқинлаштирди.
«Виртуал рақамли активлар транзакциясида ажойиб ўсиш кузатилди. Ушбу операцияларнинг кўлами ва частотаси аниқ солиқ режимини таъминлашни талаб қилади. Ҳар қандай виртуал рақамли активларни ўтказишдан олинган даромад 30 фоиз миқдорида солиққа тортилади».
Нирмала Ситҳараман, Ҳиндистон молия вазири Ҳиндистон бу ҳаракатни Хитой бир нечта шаҳарларда CBDC синовларини бошлаганидан сўнг амалга оширмоқда. АҚШ Федерал захираси ва Англия банки ўз иқтисодиёти учун рақамли валюта имкониятларини кўриб чиқмоқда.
Chainalysis саноат тадқиқот компаниясининг октябрь ойидаги ҳисоботига кўра, Ҳиндистондаги крипто бозори 2021 йил июнигача 641 фоизга ўсди.
Изоҳ (0)