Davlat statistika qo‘mitasi matbuot xizmati ma’lumotlariga ko‘ra, 2021-yilda O‘zbekiston 26 ta xorijiy davlatdan jami 27 067 dona yengil avtomobil import qilgan. Ushbu avtomobillarning umumiy qiymati 588,2 million dollarga teng bo‘ldi.
Yengil avtomobillar importi 2020-yil bilan solishtirganda 1 348 donaga oshgan.
Qo‘mita ma’lumotlariga ko‘ra, 2021-yilda import qilingan yengil avtomobillar orasida Xitoy yetakchilik qilmoqda. Bu davr ichida, O‘zbekistonga Xitoydan 9 mingga yaqin yengil avtomobil import qilingan. Keyingi pog‘onolarda Janubiy Koreya va Rossiya mos ravishda 6 472 va 4 539 dona avtomobil bilan qayd etilgan.
2021- yilda O‘zbekiston yengil avtomobillarni eng ko‘p import qilgan davlatlar:
- Xitoy – 8 880 ta
- Koreya – 6 472 ta
- Rossiya – 4 539 ta
- Qozog‘iston – 4 470 ta
- Polsha – 1 204 ta
- AQSh – 490 ta
- Litva – 428 ta
- Tayland – 250 ta
- Germaniya – 115 ta
- Yaponiya – 97 ta
Avvalroq O‘zbekiston o‘tgan yilda 10 davlatga qiymati 281,8 million dollarga teng bo‘lgan 28 952 dona yengil avtomobil eksport qilgani haqida xabar berilgan edi.
Shu tariqa, yengil avtomobillar eksporti, importiga qaraganda 1885 donaga ko‘proq bo‘ldi.
Izoh (0)