Ispaniya hukumati oylik daromadi 24 318 yevrodan kam bo‘lgan 35 yoshdan kichik ispanlarga har oy 250 yevrodan yordam puli to‘lash bo‘yicha qaror qabul qildi. Hukumatning fikricha, bu ularga ota-onasi qaramog‘idan ko‘chib ketishga motivatsiya beradi, deb yozadi Reuters.
Transport vaziri Rakel Sanches mazkur yangilikni “yoshlarga erkin bo‘lishida to‘sqinlik qiluvchi uy-joy narxlariga bog‘liq muammoni hal etishda muhim qadam” deb atagan. Bu turdagi subsidiyani uch yil davomida olish mumkin.
2020-yildagi rasmiy statistikaga ko‘ra, Ispaniyada 22—29 yosh oralig‘idagi 55 foiz odam ota-onasi bilan yashaydi — bu Yevropadagi eng yuqori ko‘rsatkichlardan biri. Shu bilan birga, 25 yoshdan kichik ispaniyaliklarning 29 foizi ishsiz maqomiga ega.
BBC ma’lumotlarida keltirilishicha, Ispaniyada yoshlarning o‘rtacha maoshi oyiga 970 yevroni tashkil etadi. El Pais nashri esa kvartira ijarasi uchun kamida bundan ikki barobar ko‘p pul topish kerakligini ta’kidlagan.
Eslatib o‘tamiz, 2020-yilda Yaponiyada koronavirus sababli aholini qo‘llab-quvvatlash uchun pul tarqatilgan edi. O‘shanda mamlakatning har bir fuqarosi uchun 100 ming iyena (taxminan, 930 dollar) miqdoridagi nafaqa to‘langan.
Izoh (0)