Bugun,

  • USD 11095.31
  • RUB 173.84
  • EUR 10772.44

AQShning Pittsburg shahrida noma’lum shaxslar maktab avtobusini o‘qqa tutdi. Yaralangan 15 yoshli o‘smir shifoxonada vafot etgan, deb xabar beradi The City of Pittsburgh.

Foto: AP Photo

Foto: AP Photo

Ma’lum qilinishicha, otishma vaqtida avtobus salonida faqat o‘quvchilar va haydovchi bo‘lgan.

Yaralangan o‘smir og‘ir ahvolda shifoxonaga yetkazilgan. Biroq ko‘rsatilgan yordamga qaramay, u tibbiyot muassasasida vafot etgan.

“Uning ko‘kragiga kamida bitta o‘q tekkan. Unga maktab avtobusiga o‘tirganida o‘q uzishgan. Tibbiyot xodimlari uni shifoxonaga og‘ir ahvolda olib kelgan”, — deydiladi xabarda.

Ta’kidlanishicha, o‘quvchilardan boshqa hech kimga jarohat yetmagan. Politsiya hozircha ikki nafar gumonlanuvchini qidirmoqda, surishtiruv ishlari davom etyapti.

Avvalroq AQShning Michigan shtati Oksford shahridagi maktabda yuz bergan otishmada uch kishi halok bo‘lgani va yana sakkiz kishi yaralangani to‘g‘risida xabar berilgandi. O‘t ochishda gumonlanuvchi — 15 yoshli maktab o‘quvchisi. 911 raqamiga qilingan qo‘ng‘iroqdan so‘ng maktabga yetib kelgan politsiya o‘spirinni bir necha daqiqa ichida qo‘lga olgan.

Eslatib o‘tamiz, 2021-yil 20-sentabr kuni Perm davlat milliy tadqiqotlar universiteti talabasi Timur Bekmansurov oliygoh hududiga miltiq bilan kirib, yo‘lida uchragan odamga o‘q uza boshlagan. Hodisa tufayli talabalar derazalardan tashqariga sakragan. Ko‘pchilik o‘z sinfxonasida barrikadalar qurib o‘ralib olgan. Hujumchi kamida 30 marta o‘q uzgan, taxminlarga ko‘ra, o‘qlar Huglu 12 kalibrli silliq stvolli quroldan otilgan. Oqibatda olti kishi halok bo‘lib, 43 kishi jabrlangan.

Izoh
Asosiy yangiliklar
Mehridaryo
“Hokimiyatga o‘zimni o‘ldiraman deb benzin ko‘tarib bordim, dardimni eshitishmadi” (video)
Mahalliy
Chorvoq suv ombori qirg‘oqlaridan odam suyaklari topildi
Dunyo
Rossiya dronlar evaziga Eronga kiber qurollarini berdi — WSJ