Qashqadaryo viloyati Kitob tumanidan o‘tgan M-39 avtomobil yo‘lining Taxtaqoracha dovoni 19-yanvar kuni soat 07:15 dan vaqtincha yopilgani to‘g‘risida xabar berilgandi. IIV YHXBB axborot xizmatining ma’lum qilishicha, hozirda tegishli choralar ko‘rilib, dovondagi avtomobil yo‘li qordan tozalangan.
Ma’lum qilinishicha, Favqulodda vaziyatlar vazirligi tegishli xizmatlar bilan hamkorlikda dovon yo‘liga qum-tuz aralashmasini sepish va qordan tozalash ishlarini olib borgan. Amalga oshirilgan zururiy tadbirlar natijasida bugun, 19-yanvar kuni soat 09:00 da Taxtaqoracha dovoni avtomobillar harakati uchun qayta ochilgan.
Avvalroq “O‘zgidromet” Qamchiq dovonida kuchli yog‘ingarchilik bo‘lishidan ogohlantirgan, O‘zbekistonning ayrim hududlarida 19-yanvar kuni qor yog‘ishi mumkinligini e’lon qilgandi.
Eslatib o‘tamiz, Taxtaqoracha dovoni 26-dekabr kuni ham qalin qor yog‘gani sabab yopilgandi. 27-dekabrga kelib dovonda avtomobillar harakati tiklangan.
Izoh (0)