Kuniga ikki litr suv ichish kerakligi ko‘pchilikka ma’lum. Shunga qaramay, odatdagidan ikki baravar ko‘p suyuqlik ichadiganlar ham bor. Aslida, ikkalasi ham yaxshi emas. Keling, haqiqat qanday ekanligini bilib olaylik.
Agar kuniga ikki litr suv ichish odatga aylangan bo‘lsa, bu juda yaxshi. Chunki kuniga yetarli miqdorda suv ichish salomatlik va go‘zallik garovidir. Agar suyuqlik ichish me’yoriga rioya qilinsa, organizmda quyidagi holatlar yuz beradi.
Metabolizm tezlashadi
Tana 500 millilitr suyuqlik olgandan so‘ng keyingi 30-40 daqiqada metabolizm tezligi 30 foizga oshishi isbotlangan. Natijada ovqat hazm qilish tizimining ishi normallashadi va vazn barqarorlashadi. Organizmda ortiqcha yog‘ni eritish uchun mas’ul bo‘lgan lipaza fermenti mavjud, u suvda eriydi va tanaga yetarli miqdorda suyuqlik kirganda faollashadi.
Shish yo‘qoladi
Shishishga moyil bo‘lgan odamlar ko‘pincha shishmaslik uchun ko‘p suv ichishdan qo‘rqadi. Aslida, hamma narsa aksincha. Shish terida suv kam bo‘lganligi sababli paydo bo‘ladi va suvsizlanishdan qo‘rqib, uni to‘playdi. Agar yetarli miqdorda suv ichilsa, tanadagi bu qo‘rquv yo‘qoladi, shish bartaraf etiladi. Bu, ayniqsa, agar ratsionda ko‘p miqdorda tuz mavjud bo‘lsa, juda foydali. To‘g‘ri, 20:00 dan keyin suv ichmaslikka harakat qilish kerak, aks holda kechki ortiqcha suyuqlikdan keyin shish paydo bo‘ladi.
Kamroq taom iste’mol qilinadi
Ko‘pincha tashnalik va ochlik chalkashtirib yuboriladi. Ovqatlanib bo‘lgach ham qorin ochgandek tuyilsa, bir stakan suv ichilsa, ochlik hissi o‘tib ketadi. Bundan tashqari, oshqozondagi suv to‘qlik hissini beradi va zararli yeguliklar yeyishdan saqlaydi.
Teri ko‘rinishi yaxshilanadi
Birinchidan, u elastik va tarang bo‘ladi. Ikkinchidan, terining yetarli darajada namlanishi yog‘ ishlab chiqarishni tartibga soladi. Suv kam bo‘lsa, teri uni namlash uchun quriydi, teshiklar yog‘ni faol ravishda ajrata boshlaydi. Haddan tashqari faollik yog‘ bezlarining tiqilib qolishiga olib keladi va natijada husnbuzar paydo bo‘ladi. Shuning uchun ham suv ichish kerak.
Agar ko‘proq suv ichilsa, organizmda nima yuz beradi?
Ko‘p narsa foydali degani emas. Haddan tashqari chanqoqni qondirish boshqa oqibatlarga olib kelishi mumkin, juda ko‘p suv ichish xuddi kam ichish kabi zararli hisoblanadi.
Gipergidratsiya – bu birinchi navbatda suv-tuz almashinuvining buzilishi haqida xabar beradigan tashxis. Tibbiyotda giponatremiya, suv bilan zaharlanish deb ataladigan haddan tashqari gidratatsiyaning murakkab shakli kam uchraydi va odatda surunkali buyrak kasalligi, ikkinchi toifa diabet va yurak yetishmovchiligi bilan birga keladi.
Suvdan zaharlanish uchun o‘n besh daqiqa ichida ikki litrdan ko‘p suv ichish kerak. Ammo bu, xayriyatki, juda kamdan kam hollarda sodir bo‘ladi. Eng yomon alomatlardan — miya hujayralarining shishishi yoki komaga tushish qisqa vaqt ichida taxminan 4-5 litr suv ichilganda yuz beradi.
Umuman olganda, buyraklar soatiga taxminan bir litr suv chiqarishi mumkin, ammo suyuqlikning ortiqcha ichilayotganini bilish uchun quyidagi alomatlarni tekshirish lozim.
- ko‘ngil aynishi;
- to‘qlik hissi, oshqozonda og‘irlik;
- shish;
- qon bosimi ortishi;
- yurak muammolari, taxikardiya.
Izoh (0)