Afg‘oniston g‘arbidagi Badg‘is viloyatida sodir bo‘lgan zilzila oqibatida 22 kishi halok bo‘ldi. Bu haqda “Baxtar” davlat axborot agentligiga tayanib, “Interfaks” xabar berdi.
“Bugungi zilzila oqibatida Badg‘is viloyatida 22 kishi halok bo‘ldi va 4 kishi jarohat oldi. Qurbonlarning aksariyati Kadis uezdida yashagan”, — deyiladi xabarda.
Rasmiylarning so‘zlariga ko‘ra, bu hozircha dastlabki ma’lumotlar bo‘lib, u o‘zgarishi mumkin.
AQSh Geologiya xizmatining ma’lum qilishicha, 17-yanvar kuni mahalliy vaqt bilan soat 16:10 da magnitudasi 5,6 ballga teng yer osti silkinishlari kuzatilgan. Zilzila epimarkazi Qal’ayi-Nav shahridan 40 kilometr sharqda, Bag‘dis viloyatining ma’muriy markazi va Turkmanistondan 70 kilometr janubi-sharqda joylashgan. Zilzila 10 kilometr chuqurlikda qayd etilgan.
Avvalroq Kipr qirg‘oqlarida kuchli zilzila qayd etilgani, shuningdek, zilzila oqibatida Buyuk Xitoy devorining bir qismi qulab tushgani, Yaponiyada zilziladan keyin Ikkinchi jahon urushi davridagi kemalar suv yuzasiga qalqib chiqqani, Pokistonda yuz bergan zilzila oqibatida 20 kishi halok bo‘lgani to‘g‘risida xabar berilgandi.
Izoh (0)