Кувайт яшаш учун яроқсиз давлатга айланмоқда

Дунёдаги энг йирик нефть етказиб берувчилардан бири ҳисобланган Кувайт глобал исиш ва ҳукуматининг зарарли газлар чиқаришни қисқартиришни истамаётгани боис яшаш учун яроқсиз ҳолга келиб қолмоқда, деб хабар беради Bloomberg.

2021 йили мамлакатда ҳаво ҳарорати июнь ойида 50 даражадан ошган: жазираманинг энг юқори чўққисидан бир неча ҳафта олдин. Атроф-муҳитни муҳофаза қилиш давлат бошқармаси прогнозларига кўра, мамлакатда 2071—2100 йилларда ўртача ҳарорат иқлим нормасидан 4,5 даражага кўтарилади, бу эса ҳудудни яшаш учун яроқсиз ҳолатга келтиради.

Ёввойи табиат ҳозирданоқ хавф остида қолган: ёшда қушлар сув ва соя топа олмай ҳалок бўлмоқда, сут эмизувчиларни эса «иссиқ урмоқда». Бундан ташқари, ёввойи ҳайвонлар оддий яшаш шароитидан яшиллик топа олмай, шаҳарларга келяпти.

«Кувайтда ёввойи ҳайвонларни учратиш тобора камайиб кетмоқда, чунки уларнинг аксарияти мавсумлардан омон чиқмаяпти», — дейди ветеринал Рамара Кабазард.

Кувайт нефть экспорти бўйича Нефть экспорт қилувчи мамлакатлар ташкилотида (ОПЕК) тўртинчи ўринни эгаллаган ва зарарли газларнинг ҳавога чиқарилиши қисқартиришга маблағлар эмас, балки ҳокимиятнинг ҳаракатсизлиги халақит бермоқда. Шу билан бирга, Яқин Шарқдаги бошқа мамлакатлар глобал исишга қарши курашиш учун қатор мажбуриятларни зиммасига олган: БАА 2050 йилга бориб, Саудия Арабистони эса 2060 йилда углерод нейтраллигига эришиш ниятида. Кувайт иссиқхона газлари чиқарилишини 2035 йилгача 7,4 фоизга қисқартиришга ваъда берган.

Ўз навбатида маҳаллий аҳоли ҳам иқлим ўзгаришларидан азият чекмоқда: шахсий машиналарида ҳаракатлангани сабаб зарарли газларнинг маълум қисми ҳавога тарқамоқда, мамлакатдаги барча биноларга эса кондиционерлар ўрнатилган.

Аввалроқ ЖССТ 15 йил ичида биринчи марта ҳаво сифати бўйича тавсияларини кучайтиргани тўғрисида хабар берилганди. Ҳаво ифлосланишидан йилига 7 миллион киши вафот этади — бу чекиш оқибатидаги ўлим даражасига яқиндир. Канада ва Британия олимлари гуруҳи томонидан ўтказилган тадқиқотларга кўра эса иқлим ўзгаришлари сабаб Ер 500 йилдан сўнг яшаш учун яроқсиз ҳолга келиб қолади.