O‘zbekistonga 17-yanvar kuni Pfizer/BioNTech vaksinasining 310 050 dozalik partiyasi olib kelindi, deb xabar bermoqda Sog‘liqni saqlash vazirligi matbuot xizmati.
Bu 2022-yil hisobidan keltirilgan ikkinchi partiya vaksinadir. 10-yanvar kuni O‘zbekistonga 500 400 doza Moderna vaksinasi olib kelingandi.
Vazirlik xabariga ko‘ra, O‘zbekistonda foydalanilayotgan vaksinalar miqdori 49 846 818 dozani tashkil qilmoqda. Ulardan:
- 2 404 480 dozasi AstraZeneca;
- 37 789 938 dozasi ZF-UZ-VAC2001;
- 1 341 790 dozasi “Sputnik V”;
- 3 500 460 dozasi Moderna;
- 2 626 650 dozasi Pfizer/BioNTech;
- 1 976 000 dozasi Sinovac;
- 207 500 dozasi “Sputnik Light” vaksinasidir.
Eslatib o‘tamiz, 2022-yil yanvarida Pfizer-BioNTech vaksinasidan 310 ming doza olib kelinishi haqda Toshkent shahar sog‘liqni saqlash bosh boshqarmasi boshlig‘i Anvar Alimov ma’lum qilgandi.
Izoh (0)