Futbol bo‘yicha OFK Kubogining 2022-yilgi mavsumi guruh bosqichiga 17-yanvar, dushanba kuni qur’a tashlandi.
Unga ko‘ra, musobaqada ishtirok etadigan o‘zbek klubi E guruhidan joy oldi. Hozirda ikki o‘zbek klubining musobaqada qatnashish ehtimoli mavjud: “Nasaf” Chempionlar Ligasi pley-off bosqichida “Baniyas” (BAA) ustidan g‘alaba qozonsa, O‘zbekiston chempionatida 2-o‘rinni egallagan “So‘g‘diyona” OFK Kubogi E guruhidan o‘rin egallaydi. “Ajdarlar” BAA klubiga mag‘lub bo‘lgan taqdirda qarshiliklarning o‘zi OFK Kubogiga yo‘l oladi, “So‘g‘diyona” esa 2022-yilgi mavsumda xalqaro musobaqalarda ishtirok eta olmaydi.
Qayd etish kerak, E guruhidan Markaziy Osiyo davlatlari klublari o‘rin oldi.
OFK Kubogi E guruhi
- “Nasaf”/“So‘g‘diyona”
- “Oltin Asr” (Turkmaniston)
- “SSKA” (Tojikiston)
- “Neftchi” (Qirg‘iziston).
Izoh (0)