Нидерландия чемпионати клублари мамлакат Вазирлар маҳкамасига стадионларга қўйилган тақиқларни олиб ташлашни сўраб чиқди.
Хабарга кўра, мамлакатда коронавирус билан боғлиқ касалланишлар ортиб бораётганига қарамасдан, клублар биргаликда 28 январдан бошлаб футбол ўйинларига боришни тақиқловчи қонунни олиб ташлашни сўраб мурожаат қилган. Агар ушбу мурожаат беэътибор қолдирилса, улар ўзлари стадионларни очишга тайёрлигини билдирган.
Биз ҳар доим самимий ва ҳамкорлик қилишга тайёрмиз, лекин вақт тугади. Яна профессионал футбол мухлислар билан масъулиятли равишда ўйинларни ташкил этишга қодирлигини кўрсатмоқда: ҳеч қандай инфекция, яхши ва эҳтиёткор назорат.Нидерландия ҳукумати коронавирус билан боғлиқ вазият жиддийлашгани учун 2021 йил ноябрь ойида стадионга мухлисларнинг ташрифини тақиқлаганди. Декабрь ойида эса «омикрон» штамми туфайли локдаун эълон қилган эди.Клублар энди томошабинларсиз ўйнай олмайди. Ўтган мавсумда секторнинг зарари 100 миллион еврони ташкил этди ва бу узоқ муддатли салбий оқибатларга олиб келади. Барчаси жуда жиддий! Бу футболимиз сифатига таъсир кўрсатади. Хорижий мамлакатлар билан рақобат қилолмаймиз, улар энди юқорилаб кетди. Биз ҳамон вируснинг ‘омикрон’ варианти билан курашаётган бир вақтда Европанинг қолган мамлакатлари стадионлари тўла ёки қисман очилган. Бу рақобатбардошликка деярли имкон қолдирмайди.
Стадионларнинг очилиши — биз томонимиздан қўйиладиган кейинги қадамдир. Биз содиқ мухлислар учун ҳам бу ишни қилишга мажбурмиз. Ҳар бир клуб ўз президенти билан бу масалани ҳал қилади. Профессионал футбол уни эшитишларини хоҳлайди!
Нидерландия клублари баёноти
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)