Uzbekistan Airways aviakompaniyasining Toshkent—Urganch yo‘nalishi bo‘yicha uchgan HY-051 reysi kuchli tuman sabab belgilangan aeroportga qo‘nishni amalga oshira olmadi. Bu haqda Telegram’dagi “Novosti Tashkentskogo neba” kanali xabar berdi.
Ma’lum qilinishicha, ushbu reys Nukus shahridagi zaxira xalqaro aeroportiga yo‘naltirilgan. Urganch aeroportidagi kuchli tuman tufayli — ko‘rish masofasi 200 metr atrofida qolmoqda.
Shuningdek, Uzbekistan Airways matbuot xizmatining ma’lum qilishicha, Termiz aeroportida meteorologik sharoit tobora yomonlashib borayotgani (tuman, ko‘rishning yetarli darajada emasligi) munosabati bilan HY-065 Toshkent–Termiz reysi Toshkent aeroportiga qaytib kelmoqda.
Reyslar haqidagi qo‘shimcha ma’lumotlarni +998(78)140-02-00 raqami orqali olish mumkin.
Eslatib o‘tamiz, 24-dekabr kuni Toshkentdan uchadigan samolyot tuman tufayli Andijonga qo‘na olmagan, 29-dekabr kuni esa Namangan va Andijon aeroportlarida ko‘rish imkoniyati yomonligi sababli samolyotlar uchish va qo‘nishni amalga oshira olmagandi. 3-yanvar kuni Urganch va Nukus aeroportlarida ko‘rish imkoniyati yomonligi sababli samolyotlar uchish va qo‘nishni amalga oshira olmagan edi.
Izoh (0)