Aqtau xalqaro aeroporti xalqaro parvozlarni qabul qilishni va amalga oshirishni yopganligi munosabati bilan 2022-yil 5-yanvar kuni amalga oshirilishi rejalashtirilgan HY-9725/9726 Urganch—Aqtau—Urganch yo‘nalishi bo‘yicha muntazam qatnovlar bekor qilindi. Bu haqda Uzbekistan Airways matbuot xizmati xabar berdi.
Ta’kidlanishicha, ushbu yo‘nalish bo‘yicha parvozlarni amalga oshirish kunlari haqidagi qo‘shimcha ma’lumot keyinroq taqdim etiladi.
“Yo‘lovchilar 5-yanvar kuniga Aqtauga bekor bo‘lgan parvozlar aviachiptalarining to‘liq qiymatini chipta sotib olingan joyda qaytarib olish yoki boshqa sanaga bepul qayta bronlash huquqiga egadirlar”, — deyiladi xabarda.
Avvalroq kuchli tuman O‘zbekistonda aeroportlar faoliyatini cheklab qo‘ygani, Uzbekistan Airways Express Namangandan Rossiyaning 8 ta shahriga parvozlarni yo‘lga qo‘yishi, Minskdan Toshkentga uchgan samolyot texnik nosozlik sabab aeroportga qaytishga majbur bo‘lgani to‘g‘risida xabar berilgandi.
Mavzuga doir: Qozog‘istonning Turkistondan Istanbulga uchayotgan samolyoti Urganchga favqulodda qo‘ndi
Izoh (0)