O‘zbekiston 2021-yilning yanvar—noyabr oylarida xorijiy mamlakatlardan qiymati 115,3 million dollarlik 308,4 million litr avtomobil benzini import qilgan. Bu haqda Davlat statistika qo‘mitasi xabar qildi.
Qayd etilishicha, ko‘rsatkich 2020-yilning mos davri bilan solishtirganda 112 million litrga oshgan.
O‘zbekiston eng ko‘p benzinni Rossiyadan import qilgan — 145,3 . Keyingi o‘rinlar quyidagicha
- Turkmaniston — 141,2 million litr,
- Qozog‘iston — 16 million litr,
- Iroq — 3,6 million litr,
- Eron — 1,8 million litr.
Eslatib o‘tamiz, 17-noyabrdan buyon birja savdolarida Ai-80 benzinining narxida tushish kuzatilmoqda. Shu kuni savdolarda benzin narxi 9 million 365 ming so‘mgacha tushib, 15-noyabrga nisbatan 8 foizga arzonlashgan. 18-noyabr kuni esa 9 million 180 ming 500 so‘mga pasayib, 9 foizga arzonlashgan. 22-noyabr holatiga ko‘ra benzin narxi hamon tushishda davom etmoqda. Birja matbuot xizmatining ma’lum qilishicha, 15–21-noyabr kunlari benzinning kunlik o‘rtacha narxlari mahsulotning bir tonnasi uchun 10 129 400 so‘mdan 9 168 400 so‘mgacha, ya’ni 9,5 foizga pasaygan. 23-noyabr kuni O‘zbekiston birja savdolarida Ai-80 benzin narxi bir haftada 15 foizga, 26-dekabr kuni 5 foizga arzonlashgani ma’lum bo‘ldi.
Mavzuga doir:
Izoh (0)