Yo‘lovchilarga qulaylik yaratish maqsadida 2022-yil 4—9-yanvar kunlari Toshkent—Urganch—Toshkent yo‘nalishida qo‘shimcha poyezdlar qatnovi yo‘lga qo‘yiladi. Bu haqda Toshkent mintaqaviy temiryo‘l uzeli unitar korxonasi xabar berdi.
Qayd etilishicha, Toshkent—Urganch yo‘nalishidagi 556-sonli yo‘lovchi poyezdi 4-, 6-, 8-yanvar kunlari soat 23:00 da Toshkent janubiy temiryo‘l vokzalidan qatnovni amalga oshiradi.
Urganch—Toshkent yo‘nalishida harakatlanadigan 555-sonli poyezd esa 5-, 7-, 9-yanvar kunlari soat 19:30 da Urganch temiryo‘l vokzalidan yo‘lga chiqadi.
Shu sababli 7-yanvar kuni Andijon—Xiva yo‘nalishida harakatlanadigan 656-sonli yo‘lovchi poyezdining harakat jadvaliga 1 kunlik o‘zgartirish kiritiladi.
Eslatib o‘tamiz, Yangi yil oldidan Toshkent—Urganch—Toshkent yo‘nalishida 29-dekabr va 31-dekabr kunlari qo‘shimcha reyslar amalga oshirilgandi.
Izoh (0)