2022-yil 9-yanvardan boshlab har haftaning yakshanba kunlari Samarqand—Toshkent—Samarqand yo‘nalishida 767/768 sonli “Afrosiyob” zamonaviy poyezdlari qatnovi yo‘lga qo‘yiladi. Bu haqda “O‘ztemiryo‘lyo‘lovchi” matbuot xizmati xabar berdi.
Ta’kidlanishicha, bu yo‘lovchilarga yanada ko‘proq qulaylik hamda ichki turizmni rivojlantirishda qo‘shimcha imkoniyatlar yaratish maqsadida “O‘zbekiston temir yo‘llari” tomonidan amalga oshirilmoqda.
Harakat jadvaliga ko‘ra, 767-sonli “Afrosiyob” zamonaviy poyezdi yakshanba kunlari soat 10:50 da Samarqand—Toshkent yo‘nalishida, 768-sonli “Afrosiyob” poyezdi esa shu kuni soat 13:40 da Toshkent—Samarqand yo‘nalishida qatnovini amalga oshiradi.
Qayd etilishicha, shu bois amaldagi “Afrosiyob” zamonaviy poyezdlarining harakat jadvaliga o‘zgartirish kiritiladi. Unga ko‘ra bugungi kunda soat 08:30 da Toshkent—Samarqand yo‘nalishida harakatini amalga oshirayotgan 764-sonli “Afrosiyob” zamonaviy poyezdi 2022-yil 9-yanvardan boshlab soat 07:00 da Toshkent markaziy temiryo‘l vokzalidan qatnovini amalga oshiradi.
Har kuni soat 17:06 da Samarqand—Toshkent yo‘nalishida qatnovini amalga oshirayotgan 763-sonli “Afrosiyob” zamonaviy poyezdi esa ushbu sanadan boshlab soat 16:40 da Samarqand temiryo‘l vokzalidan qatnovini amalga oshiradi.
Bugungi kunda soat 09:02 da Toshkent—Buxoro yo‘nalishida qatnovini amalga oshirayotgan 770-sonli “Afrosiyob” zamonaviy poyezdi 2022-yil 9-yanvardan boshlab, soat 08:30 da Toshkent markaziy temiryo‘l vokzalidan harakatini boshlaydi. Soat 15:02 da Buxoro—Toshkent yo‘nalishida qatnovini amalga oshirayotgan 769-sonli “Afrosiyob” zamonaviy poyezdi esa ushbu sanadan boshlab, soat 15:27 da Buxoro temiryo‘l vokzalidan harakatlanadi.
Shuningdek, soat 15:50 da Buxoro—Toshkent yo‘nalishida harakatini boshlaydigan 761-sonli “Afrosiyob” poyezdi mazkur sanadan boshlab, soat 15:52 da Buxoro temiryo‘l vokzalidan qatnovini amalga oshiradi. Soat 04:55 da Buxoro—Toshkent yo‘nalishida qatnovini amalga oshirayotgan 765-sonli “Afrosiyob” poyezdi 9-yanvardan boshlab, soat 04:31 da Buxoro temiryo‘l vokzalidan harakatini boshlaydi.
Amaldagi boshqa “Afrosiyob” zamonaviy poyezdlari o‘z harakat jadvali bo‘yicha harakatlanadi.
Bundan tashqari, 9-yanvardan boshlab:
- 3-sonli Qarshi—Toshkent,
- 10-sonli Toshkent—Buxoro,
- 11-sonli Buxoro—Toshkent,
- 655-sonli Xiva—Andijon,
- 657-sonli Nukus—Andijon,
- 6414-sonli Toshkent —Guliston,
- 662-sonli Toshkent—Urganch,
- 58-sonli Toshkent—Shovot,
- 60-sonli Toshkent—Andijon,
- 153-sonli Nukus—Toshkent,
- 72-sonli Toshkent—Olot,
- 394-sonli Andijon—Xiva,
- 155-sonli Shovot—Toshkent,
- 392-sonli Andijon—Buxoro yo‘nalishlaridagi yo‘lovchi poyezdlarning harakat jadvalida ham o‘zgarish bo‘ladi.
Izoh (0)