Namangan shahrining Davlatobod tumanida yangi ko‘p qavatli turar joy binolari foydalanishga topshirildi. Bu haqda “Daryo” muxbiri Azizbek Abduvaliyev xabar bermoqda.
Tumanning “Yuksalish” mavzesida 30 ming oila uchun 330 ta ko‘p qavatli uy, maktab, bog‘cha, shifoxona, kichik sanoat zonalari, xizmat ko‘rsatish obyektlarini qamrab olgan Yangi Namangan shaharchasi bunyod etilmoqda.
Mavzedagi 10 ta 7 qavatli uy aholi yashashi uchun tayyor holatga keltirildi. Bugun, 30-dekabr kuni mazkur uylarni foydalanishga topshirish marosimi bo‘lib o‘tdi.
Shu tariqa, 420 ta oila Yangi yilni yangi uylarda qarshi oladigan bo‘ldi. Ularning bolalar maydonchalari ham barpo etildi.
Hozirda yana 61 uyda qurilish ishlari jadallik bilan davom ettirilmoqda.
Yangi uylarni foydalanishga topshirish marosimida viloyat hokimi Shavkat Abdurazzoqov ishtirok etdi va xonadon egalarini qutlab, bolalarga Yangi yil sovg‘alarini topshirdi.
Izoh (0)