Kuni kecha bo‘lib o‘tgan matbuot anjumanida jurnalistlarga ana shu o‘zgarishlar haqida axborot berildi.
Unda so‘zga chiqqan bank boshqaruvi raisi Alisher Muratov O‘zbekiston Respublikasi Prezidentining 2020-yil 12-maydagi “2020—2025-yillarga mo‘ljallangan O‘zbekiston Respublikasining bank tizimini isloh qilish strategiyasi to‘g‘risida”gi farmoni bank tizimini zamonaviy talablar asosida rivojlantirish, mijozlarga ko‘rsatilayotgan xizmatlar sifatini yanada yaxshilash va ommabopligini ta’minlashda dasturilamal bo‘layotganini ta’kidladi. Mazkur farmonga asosan, “2020—2025-yillarga mo‘ljallangan O‘zbekiston Respublikasining bank tizimini isloh qilish” strategiyasi tasdiqlangan.
Anjumanda mamlakatimiz bank tizimi strategiya asosida faol islohotlarni boshdan kechirayotgani qayd etildi. Strategiyaning asosiy maqsadi, “inson qadri uchun” tamoyilini hayotga tatbiq qilish, aholini va mijozlarni rozi qilishdir.
Ushbu maqsadni ATB “Qishloq qurilish bank” ham o‘zi uchun eng ustuvor vazifa sifatida belgilab olgan. Shu asosda bank tizimida masofaviy bank xizmatlarini rivojlantirish, yangi innovatsion xizmatlarni yo‘lga qo‘yish, mobil dasturlarni takomillashtirish orqali aholiga keng qulaylik yaratishga alohida e’tibor qaratilmoqda. Zamonaviylik, tezkorlik va yuqori sifat bu yo‘nalishdagi sa’y-harakatlarning asosini tashkil etadi.
Hozirda ATB “Qishloq qurilish bank”ning transformatsiyasi doirasida Osiyo taraqqiyot banki va xalqaro konsalting kompaniyalari bilan hamkorlik qilinmoqda. Jumladan, xalqaro konsalting kompaniyasi bilan “Bankni 2020—2025-yillarda rivojlantirish” strategiyasi ishlab chiqildi, bankning tashkiliy tuzilmasi qayta ko‘rib chiqildi va bankda loyiha ofisi tashkil etildi.
Transformatsiyaning yana bir muhim yo‘nalishi — bank xizmatlarining sifatini oshirish bo‘yicha ham qator ishlar amalga oshirildi. Jumladan, xizmat ko‘rsatish qamrovini oshirish maqsadida, 46 ta bank xizmatlari markazlari va 77 ta o‘z-o‘ziga xizmat ko‘rsatish shoxobchalari (24/7) tashkil etildi.
Aholi va tadbirkorlarga qulayliklar yaratish maqsadida raqamli va masofaviy bank xizmatlarining yangi turlari yaratilmoqda. Xususan:
- bank tomonidan aholiga mo‘ljallangan modulli kreditlash joriy qilindi. Ipoteka krediti mavjud mijozlar uchun qo‘shimcha hujjatlarsiz yangi kredit olish imkoniyati yaratildi va 1,9 trillion so‘mlik modulli kreditlar ajratildi;
- mijozlar uchun shaxsiy kabinet, bank mahsulotlariga onlayn arizalar va bank plastik kartalarini uyga yetkazib berish xizmatlari joriy qilindi;
- 35 mingdan ortiq kobeyjing kartalari muomalaga chiqarildi;
- Quant yangi mobil platformasi yaratildi va takomillashtirilmoqda;
- smartfonlardan NFC, QR code orqali savdo terminali va to‘lov karta sifatida foydalanish imkoniyati yaratildi;
- yangicha tizimda ishlaydigan Call-markaz tashkil etildi;
- bank mijozlari uchun 24/7 rejimida bank operatsiyalarini amalga oshirish imkoniyati yaratildi;
- xalqaro pul o‘tkazmalarini bankka bormasdan bank kartasiga qabul qilib olish imkoniyati yaratildi;
- bankomatlar orqali avtomatlashtirilgan shaklda 3,5 million AQSh dollaridan ortiq operatsiyalar bajarildi;
- loyihalarni moliyalashtirish tizimini samarali tashkil etish maqsadida bankda anderrayting tizimi joriy qilindi;
- bankning yangi mobil ilovasi ishlab chiqildi va bunda kontaktsiz to‘lovlar amalga oshirish, bankning nafaqat onlayn omonatlari, balki bank tomonidan taklif etilayotgan barcha omonatlarni masofadan boshqarish imkoniyatlari yaratildi.
Buning natijasida joriy yilda chakana biznes, moliya bloklari, risklarni boshqarish, MHXS, g‘aznachilik & ALM yo‘nalishlari hamda yangi tashkil etilgan loyiha ofisi faoliyatini takomillashtirish yuzasidan xalqaro ekspertlarni jalb qilish bo‘yicha tender asosida Ernst and Young Advisory xalqaro konsalting kompaniyasi bilan hamkorlik yo‘lga qo‘yildi.
Shuningdek, hozirda xizmatlar sifatini oshirish maqsadida mijozlar bilan munosabatlarni boshqarish (CRM) loyihasini yakunlash, kredit berish tizimini soddalashtirish hamda kredit konveyeri texnologiyasini joriy qilish kabi loyihalar ustida ish olib borilmoqda.
Kelgusida anderrayting elektron dasturini takomillashtirish, mijozlar bilan hamkorlikda Cashback tizimlarini joriy qilish, tajriba tariqasida smart ofis tashkil etish, onlayn ipoteka, uy-joy bozori portali, marketpleys elektron savdo platformasini yaratish, masofaviy (mobil banking, internet banking orqali) xizmatlarni va multivalyutali o‘tkazmalar tizimlarini amaliyotga joriy etish kabi mijozlar uchun yanada qulay xizmatlar joriy etilishi maqsad qilingan.
“Qishloq qurilish bank” — farovon hayotingiz xizmatida.
Murojaat uchun:
Telefon: +99878 150 00 55, 1254
Veb-sayt: www.qqb.uz
Telegram: QQBANK
Facebook: http://fb.com/official.qqb.uz
Reklama huquqi asosida.
Izoh (0)