Бугун, 27 декабрь куни Lukoil компанияси «Жануби-ғарбий Ҳисор» лойиҳаси таркибига кирувчи «Жарқудуқ—Янги қизилча» конларида илк бор газ қазиб олина бошланганига 10 йил тўлди.
Ўзбекистон Lukoil ОАЖ фаолият юритадиган асосий минтақалардан бири ҳисобланади. Узоқ йиллар давомида компания минтақада ўз иштирокини изчиллик билан ошириб бормоқда ва бугунги кунда у мамлакатимиздаги энг йирик инвесторлардан бири ҳисобланади.
Ўзбекистон Республикаси ва Россиянинг Lukoil ОАЖ компанияси ўртасидаги ҳамкорлик маҳсулот тақсимотига оид битимлар асосида ривожланмоқда. 2007 йили Жануби-ғарбий Ҳисор ва Устюрт минтақаси ҳудудларидаги конларга нисбатан маҳсулотни тақсимлаш тўғрисидаги битим имзоланди. 2008 йилнинг март ойида Lukoil компанияси «Жануби-ғарбий Ҳисор» лойиҳасига кирди ва Қашқадарё вилоятидаги Ҳисор конлар гуруҳини ўзлаштиришни бошлади. Lukoil компанияси 2009 йилда «Жануби-ғарбий Ҳисор»даги конларни ўзлаштиришни бошлаган.
Ҳисор лойиҳасини Ўзбекистоннинг Қашқадарё вилоятида амалга ошириш кўзда тутилган. Лойиҳа амалга ошириладиган ҳудудда 7 та кон жойлашган.
Шунингдек, лойиҳани амалга ошириш доирасида 300 километр юқори вольтли электр узатиш линиялари, иккита электр подстанцияси, 126 километр кириш йўллари ҳам қурилди. Лойиҳа объектларида 64 минг куб метр бетон қуйилди, 12 минг тоннага яқин металл конструкция ва 4 минг тоннадан ортиқ асбоб-ускуналар монтаж қилинди, 286 километр линия қувурлари қурилди.
Лойиҳани амалга ошириш учун киритилган инвестиция маблағлари 1,5 миллиард доллардан ортиқни ташкил этади. Мазкур объектлар ишга туширилиши натижасида, «Ҳисор» конлар гуруҳида газ қазиб олиш лойиҳа даражасига етказилди, бу қарийб кунига 14 миллион куб метр ёки йилига 5 миллиард куб метрни ташкил қилади. Айни пайтда конларнинг эксплуатацион фонди 40 та қазиб олиш қудуқларини ташкил этади.
Lukoil компаниясининг Қашқадарё вилоятидаги фаолияти давомида жами қазиб олинган газ ҳажми 26 миллиард куб метрдан ортиқни ташкил этди. Lukoil компаниясининг Ҳисордаги объектлари туфайли республикада деярли 2 миллион тоннадан ортиқ конденсат ва 0,7 миллион тоннадан ортиқ пропан-бутан фракцияси ишлаб чиқарилди.
Реклама ҳуқуқи асосида.