Шерзод Қудратов Оқдарё тумани ҳокими этиб тайинланди. Бу ҳақда Самарқанд вилояти ҳокимлиги матбуот хизмати хабар берди.
Маълум қилинишича, 22 декабрь куни Оқдарё туманида халқ депутатлари туман кенгашининг навбатдан ташқари сессияси ўтказилган ва унда ташкилий масала кўрилган.
Оқдарё тумани ҳокими вазифасида фаолият олиб борган Нажмиддин Сулаймонов бошқа ишга ўтиши муносабати билан ўз аризасига асосан эгаллаб турган вазифасидан озод этилган.
Сессияда депутатлар томонидан Шерзод Қудратовнинг номзоди Оқдарё тумани ҳокими лавозимига тасдиқланган.
Тайинловга қадар Шерзод Қудратов Савдо-саноат палатаси Самарқанд вилояти ҳудудий бошқармаси бошлиғи лавозимида фаолият олиб борган.
Аввалроқ Норин тумани ҳокими Косонсой туманига ҳоким бўлгани, Самарқанд вилояти прокурори ўринбосари Булунғур тумани ҳокими этиб тайинлангани тўғрисида хабар берилганди.
Изоҳ (0)