Xalq deputatlari Kosonsoy tuman kengashining navbatdan tashqari sessiyasi bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda.
Sessiyada tashkiliy masala ko‘rildi.
Tuman hokimligiga Prezidentning Namangan viloyatidagi Xalq qabulxonasi mudiri etib tayinlangan Bahodir Yusupov o‘rniga Dilmurod Qodirov nomzodi tavsiya etildi.
Dilmurod Qodirov 1972-yili Namangan shahrida tug‘ilgan. Ma’lumoti oliy, 1993-yili Andijon qishloq xo‘jaligi institutini tamomlagan.
2014—2016-yillarda Namangan viloyati qishloq va suv xo‘jaligi boshqarmasi boshlig‘i, 2016—2017-yillarda Namangan viloyatining qishloq va suv xo‘jaligi masalalari bo‘yicha o‘rinbosari lavozimlarida faoliyat yuritgan.
U 2017-yildan beri Norin tumani hokimi bo‘lib ishlab kelayotgandi.
Deputatlar nomzodni ma’qulladi. Dilmurod Qodirov tumanni ijtimoiy-iqtisodiy rivojlantirish bo‘yicha dasturini tuman kengashida taqdimot qildi.
Izoh (0)