Профессионал бокснинг енгил вазн тоифасида ҳаракат қилаётган Элнур Абдураимов (8-0, 7 КО) 17 декабрь, жума куни Тошкентдаги бокс кечасида навбатдаги жангини ўтказди.
Абдураимовга филиппинлик Жон Гемино (22-13-1, 12 КО) рақиблик қилди. 10 раундга мўлжалланган жангнинг 6-раундига келиб, Элнур кучли зарбаси билан Геминони мувозанатдан чиқарди ва нокаут эвазига ғалаба қозонди.
Бу Элнур Абдураимов учун профессионал боксдаги кетма-кет 8-ғалаба бўлди. У бунгача кетма-кет 7 та жангда ғалаба қозонганди.
Абдураимов охирги жангида 2021 йилнинг 26 февралида Шерзоджон Абдураззоқовни очколар ҳисобига мағлуб этган. Ундан олдин эса 2020 йилда мексикалик Абраҳам Оливани 1-раунддаёқ нокаутга учратганди.
Аввалроқ Иқболжон Холдоров беларуслик Дмитрий Милюшани нокаут эвазига мағлуб этганди.
Изоҳ (0)