Djinsi shimlardagi kichkina cho‘ntak ilk bor Levi’s brendi tomonidan 1890-yilda ishlab chiqarilgan Lot 501 modelida ommaviy ishlatilgan. “Korrespondent” mazkur cho‘ntak qanday maqsadda o‘ylab topilgani va nima uchun hali-hanuz borligiga to‘xtaldi.
Ta’kidlanishicha, dastlab ushbu cho‘ntaklar zanjirli soatlarni solish uchun mo‘ljallangan. Ammo o‘sha vaqtda djinsini ishchilar — konchi va oltin izlovchilar kiygani uchun ko‘pchilik bu qarashga qo‘shilmaydi. Shundan kelib chiqqan holda “zajigalka” yoki mix solish uchun kerak bo‘lgani borasidagi versiya haqiqatga yaqinroq hisoblanadi.
Brend ishlab chiqarilgan djinsilaridagi original dizaynni saqlab qolish maqsadida ushbu detalni qoldirishga qaror qilgan. Levi Strauss & Co tarixchisi Treysi Panekning aytishicha, kichik cho‘ntaklarning ko‘rinishiga Ikkinchi jahon urishi vaqtidagina o‘zgartirish kiritilgan. Harbiy ehtiyojlar uchun metallarni saqlab qolish maqsadida cho‘ntakning ikki burchagidagi mixparchinlar olib tashlangan. Urush tugaganidan keyin esa hammasi yana avvalgidek bo‘lgan.
Aksariyat moda brendlari Levi’s brendidan ko‘chirmachilik qilgan bo‘lishi mumkin, lekin ular ko‘pincha kichik cho‘ntakni djinsining turli qismlariga joylashtiradi. Odamlarning fikricha, unda uzuk, gugurt, tanga va hatto kalitni ham saqlasa bo‘ladi. Biroq, umuman olganda, bu deyarli foydasiz element. Bugungi kunda ushbu kichik cho‘ntak Levi’s brendining o‘ziga xos dizaynini bildiradi, xolos.
Avvalroq Bollivud yulduzi Dipika Padukone Levi’s brendi bilan hamkorlikda liboslar kolleksiyasini taqdim qilgani haqida xabar berilgandi.
Izoh (0)