Ijtimoiy tarmoqlarda Chevrolet avtomobillarini olib ketayotgan avtotreylerning yonayotgani aks etgan video tarqaldi. UzAuto Motors kompaniyasi holatga munosabat bildirib, yong‘in Moskva viloyati hududida sodir bo‘lganini ma’lum qildi.
Dastlabki ma’lumotlarga ko‘ra, yong‘in Rossiya avtomobil tashuvchisiga tegishli avtotreylerning salonida sodir bo‘lgan, shundan so‘ng alanga avtomobillar bo‘lgan treylerga o‘tgan. Yong‘in oqibatida 8 ta avtomobildan 3 tasi zarar ko‘rgan. Hodisa natijasida avtotreyler haydovchisi jabrlanmagan.
“Voqea Moskva viloyati hududida avtomobillarni mijozga olib o‘tish vaqtida sodir bo‘lgan. Barcha tashilgan avtomobillar sug‘urtalangan bo‘lib, ular rossiyalik mijozga tegishli bo‘lgan. Hodisa oqibatida hech kim jabrlanmagan. Hozirda zaruriy yong‘in-texnik ekspertizasi o‘tkazilib, yong‘inning kelib chiqish sabablari o‘rganilmoqda”, — deyiladi munosabatda.
Eslatib o‘tamiz, 2020-yilning oktabrida UzAuto Motors kompaniyasi tomonidan ishlab chiqarilgan yangi yengil avtomobillarni olib ketayotgan avtovoz avariyaga uchragan edi.
Mavzuga doir: O‘zbekistonda ikkilamchi bozorda avtomobillar narxi ko‘tarildi. Buning asosiy sababi nima?
Izoh (0)