Noyabr boshlarida Toshkentning Chilonzor tumanida joylashgan harbiy shaharcha 204,9 milliard so‘m boshlang‘ich narx bilan auksionga qo‘yilgani to‘g‘risida xabar berilgandi. “E-auksion” ma’lumotlariga ko‘ra, ushbu obyekt onlayn auksionda 266,4 milliard so‘mga sotilgan.
Davlat aktivlarini boshqarish agentligi tomonidan onlayn auksionga qo‘yilgan ushbu obyekt 27,86 gektar hududni egallagan, undagi bino va inshootlarning umumiy maydoni 29,8 ming kvadrat metrga teng. Barcha kommunikatsiya — elektr energiyasi, gaz, suv ta’minoti va kanalizatsiya mavjud. Obyekt hududida qorovulxona, bir nechta bostirma, oshxona, ma’muriy bino, omborxona, ustaxona, garaj, rezervuarlar joylashgan.
Boshlang‘ich narxi 204 milliard so‘m bo‘lgan davlat mulki 1 soat 23 daqiqa davom etgan savdoda 15 qadam narxi oshirilib, 266,4 milliard so‘mga sotilgan. Savdoda “Do‘mbrobod city group” MChJ g‘olib va Build power MChJ rezerv g‘olib deb topilgan.
Shaffof o‘tgan onlayn auksionni ‘E-auksion.uz’ platformasidan ro‘yxatdan o‘tmasdan turib ham to‘g‘ridan to‘g‘ri kuzatib borish imkoniyati yaratildi”, — deyiladi xabarda.
Telegram’dagi “Davletovuz” kanali muallifining yozishicha, “Do‘mbrobod city group” MChJ 2021-yilning 2-dekabr kuni 1 trillion so‘m ustav kapitali bilan ochilgan.
Avvalroq O‘zbekiston Mudofaa vazirligining foydalanilmayotgan avtomototransportlari sotuvga qo‘yilishi, Navoiyda oltin konlari bo‘lgan 2 hudud 190 mln boshlang‘ich narx bilan auksionga qo‘yilgani to‘g‘risida xabar berilgandi.
Izoh (0)