O‘zbekiston Respublikasi Prezidentining 2020-yil 13-martdagi PF 5963-sonli farmoniga asosan, qurilishda texnik me’yorlash markazining asosiy funksiyalari etib qurilish sohasidagi xalqaro normalar, qoidalar va standartlarni o‘rganish va tahlil qilish asosida milliy normativ hujjatlarni ular bilan uyg‘unlashtirish, xorijiy va xalqaro tashkilotlar, konsultantlar va mutaxassislar bilan hamkorlik qilish hamda ularni milliy normativ hujjatlar bazasini takomillashtirishga jalb qilish belgilangan.
7-dekabr kuni qurilish vaziri mazkur topshiriq ijrosini ta’minlash maqsadida KICT — Koreya qurilish muhandisligi ilmiy-tadqiqot instituti vakillari bilan uchrashuv o‘tkazdi.
Unda qurilish sohasida shaharsozlik normalari va qoidalarini modernizatsiya qilish loyihasining boshlang‘ich fazasida amalga oshiriladigan ishlar xususida fikr almashildi.
Uchrashuvda istiqbolda hamkorlikda amalga oshiriladigan ishlarni rejalashtirish hamda mahalliy mutaxassislar bilan hamkorlik qilish, ular bilan muhokama va seminarlar o‘tkazish masalasiga ham to‘xtalib o‘tildi.
Rasmiy sahifalarimizga a’zo bo‘ling:
Reklama huquqi asosida.
Izoh (0)