Ўзбекистон Республикаси Президентининг 2020 йил 13 мартдаги ПФ 5963-сонли фармонига асосан, қурилишда техник меъёрлаш марказининг асосий функциялари этиб қурилиш соҳасидаги халқаро нормалар, қоидалар ва стандартларни ўрганиш ва таҳлил қилиш асосида миллий норматив ҳужжатларни улар билан уйғунлаштириш, хорижий ва халқаро ташкилотлар, консултантлар ва мутахассислар билан ҳамкорлик қилиш ҳамда уларни миллий норматив ҳужжатлар базасини такомиллаштиришга жалб қилиш белгиланган.
7 декабрь куни қурилиш вазири мазкур топшириқ ижросини таъминлаш мақсадида KICT — Корея қурилиш муҳандислиги илмий-тадқиқот институти вакиллари билан учрашув ўтказди.
Унда қурилиш соҳасида шаҳарсозлик нормалари ва қоидаларини модернизация қилиш лойиҳасининг бошланғич фазасида амалга ошириладиган ишлар хусусида фикр алмашилди.
Учрашувда истиқболда ҳамкорликда амалга ошириладиган ишларни режалаштириш ҳамда маҳаллий мутахассислар билан ҳамкорлик қилиш, улар билан муҳокама ва семинарлар ўтказиш масаласига ҳам тўхталиб ўтилди.
Расмий саҳифаларимизга аъзо бўлинг:
Реклама ҳуқуқи асосида.
Изоҳ (0)