Instagram: 150 минг долларлик машина сотиб олган Ҳосила Раҳимова, Муқаддас Холиқова хонадонида меҳмондорчилик, яна ўғилли бўладиган Асал Шодиева

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Йигитали Мамажонов фолловерларининг оила ҳақидаги фикрларини сўради.

Ҳалима Ибрагимова 9 декабрь куни ўғли Жасурнинг туғилган кунини нишонламоқда.

9 декабрь куни Болливуд актрисаси Катрина Каиф ҳамкасби Вики Каушалга турмушга чиқди. Юлдузли жуфтликнинг тўйидан илк суратлар ижтимоий тармоқларда тарқалди.

Зоҳиршоҳ Жўраев мусофирларга аталган таъсирли қўшиғини тақдим этди.

Улуғбек Раҳматуллаев Европа сафарида кабутарларга дон бераётгани акс этган архив суратини саҳифасига жойлади.

Ситора Алимжоновага бўйи узунлигидаги гулдастани совға қилишди.

Дилноза Кубаева Туркия сафаридаги сурати билан бўлишди.

Озода Нурсаидова Тошкентда ягона бўлган Prada моделига тегишли эксклюзив оёқ кийимини харид қилди.

Нилуфар Усмонова хонадонига онаси, холалари ҳамда холаваччалари ташриф буюрди.

Хонанда Ҳосила Раҳимова салкам 150 минг доллар турувчи Toyota Land Cruiser йўлтанламасини харид қилди ҳамда ушбу қувончли воқеани видеога муҳрлаб, мухлислари билан баҳам кўрди.

Режиссёр Зебо Наврўзова Асал Шодиеванинг иккинчи фарзанди ҳам ўғил эканини билдириб қўйди. Невараси акс этган видеони «Кичкина Шоҳруҳхон. У яқинда укали бўлади», деб изоҳлаган Зебо Наврўзова.

Ўзбекистон халқ артисти Муқаддас Холиқова қариндошлари учун хонадонида меҳмондорчилик ташкиллаштирди. Актрисанинг қизи Зебунисо кузатувчилари учун ота уйидан репортаж тайёрлади.