Rossiya va AQSh prezidentlari Vladimir Putin va Jo Bayden 7-dekabr, seshanba kuni kechqurun videoaloqa yordamida muzokara o‘tkazishni boshladi, deya xabar berdi Meduza. Ikki davlat rahbarlari muloqotning ushbu formatidan birinchi marta foydalanmoqda.
Foto: AP Photo
Putin Sochidagi qarorgohida, Bayden Vashingtondagi Oq uyda turib suhbatlashmoqda. Muzokaralar matbuot uchun yopiq holda olib borilmoqda.
Qayd etilishicha, Rossiya va AQSh prezidentlari boshqa masalalar qatori Ukraina atrofidagi vaziyat va NATOning sharq tomon kengayishi masalalarini ham muhokama qiladi.
Putin va Bayden prezident sifatida ilk bor 2021-yil 16-iyun kuni Jenevada uchrashgan edi. O‘shanda uchrashuv yuzma-yuz formatda bo‘lib o‘tgan. Noyabr oyida “Kommersant” manbalariga tayanib, Rossiya va AQSh prezidentlarining ikkinchi shaxsan uchrashuvi taxminan 2022-yil boshiga rejalashtirilgani haqida yozdi.
