Germaniya sotsial-demokratik partiyasi, “Yashillar” va Liberal demokratik partiya rahbarlari 7-dekabr, seshanba kuni koalitsiya shartnomasini imzoladi. Bu haqda “TASS” xabar berdi.
Germaniyada koalitsiya kelishuvi bo‘yicha ishlar oktabr oyi boshidan beri davom etmoqda. Ushbu hujjat 177 sahifadan iborat. U kamida to‘rt yil davomida bo‘lajak Vazirlar Mahkamasining poydevori bo‘lib xizmat qiladi.
8-dekabr kuni Bundestag sotsial-demokrat Olaf Sholsni Germaniyaning yangi kansleri lavozimiga tasdiqlashi kutilmoqda. Shu kuni yangi hukumat qasamyod qabul qiladi, Angela Merkel kabinetining vaqtinchalik vazifasini bajarib turgan a’zolari esa nihoyat iste’foga chiqadi. Shu tariqa Germaniyada yangi hukumatni shakllantirish jarayoni yakunlanadi.
Germaniyada 27-sentabr kuni bo‘lib o‘tgan parlament saylovlarida moliya vaziri Olaf Shols rahbarligidagi Sotsial-demokratik partiya (GSDP) g‘alaba qozondi. Unga saylovchilarning 25,7 foizi ovoz berdi. Yangi hukumatni tuzishda Sotsial-demokratik partiyadan tashqari “Yashillar” va Erkin demokratik partiyaning ishtiroki zarur edi.
26-oktabr kuni Germaniya prezidenti Frank-Valter Shtaynmayer Merkelga hukumat rahbari sifatidagi muddati rasman tugagani to‘g‘risida maktub topshirdi. 2-dekabr kuni Berlinda Angela Merkelning Germaniya kansleri lavozimidan ketishi munosabati bilan tantanali marosim bo‘lib o‘tdi.
Izoh (0)