Германия социал-демократик партияси, «Яшиллар» ва Либерал демократик партия раҳбарлари 7 декабрь, сешанба куни коалиция шартномасини имзолади. Бу ҳақда «ТАСС» хабар берди.
Германияда коалиция келишуви бўйича ишлар октябрь ойи бошидан бери давом этмоқда. Ушбу ҳужжат 177 саҳифадан иборат. У камида тўрт йил давомида бўлажак Вазирлар Маҳкамасининг пойдевори бўлиб хизмат қилади.
8 декабрь куни Бундестаг социал-демократ Олаф Шольцни Германиянинг янги канцлери лавозимига тасдиқлаши кутилмоқда. Шу куни янги ҳукумат қасамёд қабул қилади, Ангела Меркель кабинетининг вақтинчалик вазифасини бажариб турган аъзолари эса ниҳоят истеъфога чиқади. Шу тариқа Германияда янги ҳукуматни шакллантириш жараёни якунланади.
Германияда 27 сентябрь куни бўлиб ўтган парламент сайловларида молия вазири Олаф Шольц раҳбарлигидаги Социал-демократик партия (ГСДП) ғалаба қозонди. Унга сайловчиларнинг 25,7 фоизи овоз берди. Янги ҳукуматни тузишда Социал-демократик партиядан ташқари «Яшиллар» ва Эркин демократик партиянинг иштироки зарур эди.
26 октябрь куни Германия президенти Франк-Валтер Штайнмаер Меркелга ҳукумат раҳбари сифатидаги муддати расман тугагани тўғрисида мактуб топширди. 2 декабрь куни Берлинда Ангела Меркелнинг Германия канцлери лавозимидан кетиши муносабати билан тантанали маросим бўлиб ўтди.
Изоҳ (0)