Xorijdagi o‘zbekistonlik vatandoshlarning huquq va manfaatlarini himoya qilishda chet el mamlakatlaridagi o‘zbek diasporalarining o‘rni katta. Shu boisdan ham Tashqi mehnat migratsiyasi agentligi va xorijdagi o‘zbek diasporalaridan 38 tasi bilan hamkorlik shartnomalari imzolangan. Ushbu milliy hamjamiyatlarning 28 tasi Rossiyada, 6 tasi Qozog‘istonda, qolgan to‘rttasi esa mos ravishda Ukraina, Qirg‘iziston, Yaponiya va Portugaliyada.
2021-yilning o‘tgan davrida Tashqi ishlar vazirligi tomonidan taqdim etilgan diasporalar ro‘yxatiga asosan 15 ta diasporal tashkilotlari bilan muzokaralar o‘tkazildi. Ularning 9 tasi Rossiyada, qolgan 6 tasi esa mos ravishda Daniya, Chexiya, Turkiya, Qozog‘iston, Ukraina va Fransiyada. Tashkilotlar ro‘yxati bilan quyida tanishish mumkin:
- Rostov-Don (Rossiya) shahridagi “O‘zbekiston” jamoat tashkiloti;
- Samara (Rossiya) shahridagi “Mestnaya uzbekskaya natsionalno-kulturnaya avtonomiya gorodskogo okruga Samara” tashkiloti;
- Orenburg (Rossiya) viloyatida faoliyat yuritayotgan “Vatan” ijtimoiy-huquqiy yordam markazi;
- Orenburg (Rossiya) viloyatida faoliyat yuritayotgan “Natsionalno-kulturnaya avtonomiya uzbekov Orenburgskoy oblasti” tashkiloti;
- Saxalin (Rossiya) viloyatidagi “Uzbekskaya diaspora Saxalinskoy oblasti” avtonom notijorat tashkiloti;
- Krasnoyarsk (Rossiya) shahridagi “Do‘stlik” o‘zbek milliy-madaniy markazi;
- Ufa (Boshqirdiston, Rossiya) shahridagi “Yevraziya” o‘zbek milliy-madaniy markazi;
- Chelyabinsk (Rossiya) viloyatidagi “Bobur” o‘zbek-milliy madaniy markazi;
- Xanti-Mansiysk (Rossiya) shahridagi “Zvezda Vostoka” o‘zbek-milliy madaniy markazi;
- Orxus (Daniya) shahridagi O‘zbek tashabbuslari uyushmasi;
- Praga (Chexiya) shahrida joylashgan “O‘zbegim” madaniy-turistik markazi;
- Istanbul (Turkiya) shahridagi Turkistonliklarga madaniy va ijtimoiy yordamlashish jamiyati;
- Qo‘stanay (Qozog‘iston) viloyatidagi “Sharq” o‘zbek-tojik etnomadaniy jamoat markazi;
- Xarkov (Ukraina) shahridagi “Navro‘z” loyihalash-qurilish firmasi;
- Fransiyadagi “Meros” uyushmasi.
Bundan tashqari, AQShning Kaliforniya shtatida tahsil olayotgan o‘zbekistonlik R.Kamilov bilan bog‘lanib, Amerikadagi o‘zbek migrantlari yuzasidan ma’lumot almashib turish bo‘yicha hamkorlik kelishuvi imzolashga, Janubiy Koreyada yashayotgan bloger A.Abduvohidov (“Koreya yangiliklari”) bilan bog‘lanib, mehnat migrantlari yuzasidan ma’lumot almashishga va kelishuv imzolashga kelishildi. Shuningdek, Tailandda istiqomat qilib kelayotgan M.Matismanov bilan bog‘lanib, ma’lumot almashilgan va kelgusida hamkorlik qilishga kelishilgan.
Agentlikning Xorijdagi infrastrukturani rivojlantirish boshqarmasi tomonidan Qirg‘izistonning O‘sh shahridagi O‘zbek milliy markazi rahbari Rashidxon Xo‘jayev bilan uchrashuv o‘tkazildi. Uchrashuvda Qirg‘izistonda vaqtinchalik mehnat faoliyatini olib borayotgan O‘zbekiston fuqarolarining maqomi, ro‘yxatga o‘tish tartibi, qaysi sohalarda mehnat faoliyatini olib borayotgani, muammolari va yechimlari muhokama qilingan va o‘zaro takliflar almashilgan.
Bandlik va mehnat munosabatlari vaziri Nozim Husanov rahbarligida 30-avgust kuni “Yangi O‘zbekistonda erkin va farovon yashaylik!” shoiri ostida videokonferensaloqa shaklida o‘tkazilgan ma’naviy-ma’rifiy tadbirda agentlik bilan kelishuv imzolab, hamkorlik qilib kelayotgan xorijdagi o‘zbek diasporalari, Rossiya, Qozog‘iston, Yaponiya va Portugaliyadagi vatandoshlar ishtirok etdi.
Izoh (0)